طريقة استخراج شهادات التجنيد موقع ادارة التجنيد والتعبئة استخراج تصاريج السفر وشهادات الاعفاء عبر الانترنت
** اليوم بدأت القوات المسلحة فى إطلاق موقع تقدر من
خلاله انك تستخرج شهادات الجيش وموقفك من التجنيد فقد كان يضطر كل الشباب اللى على ذمة
التجنيد علشان يسافرو بره مصر، لازم يروحوا منطقة التجنيد اللى تابعين لها أو ادارة
التجنيد، علشان يقف فى طابور ويومه ينضرب علشان يطلع اذن سفر، كذلك اللى كان عنده
مشكلة بره بسبب التجنيد وتجديد الجوازات، وكذلك اللى كان بيروح ياخد شهادات
الاعفاء.
** دلوقتى أصبح يوجد موقع إلكتروني جديد
للتجنيد، أى حد يقدر من خلاله يدخل عليه، ويدخل بياناته، ويدفع رسوم الخدمة
بالفيزا، هيلاقى إذن السفر نفسه إلكترونيا مع ضباط المطار، اللى بدورهم ده بيتظبط
عندهم إلكترونيا، ويعدي، بدون مرواح ولا مجي
كمان فيه خدمة صوتية للى حابب
يتصل يستفسر عن اى حاجه تخص التجنيد، شغال 24 ساعة.
** أما عن الخدمات التى يقدمها الموقع
- استخراج تصريح بالإذن بالسفر
- الاستعلام عن موقف طلب تصريح الإذن بالسفر
- استخراج شهادة الإعفاء
- الاستعلام عن موقف طلب شهادة الإعفاء
- الاستعلام عن الشروط العامة لقبول المجندين
- الاستعلام عن توقيات قبول دفعة من المتطوعين
خطوات طلب إستخراج الشهادات:
- 1- تسجيل طلب إستعلام عن شهادة إعفاء.
- 2- يتم ملئ البيانات الأساسية (الإسم باللغة العربية - نوع الإعفاء - الرقم الثلاثى - الرقم القومى - ....) ويراعى الدقة فى البيانات المسجلة.
- 3- يتم تحديد رغبتك فى إستخراج شهادة الإعفاء الورقية بالإضافة إلى شهادة الإعفاء المصغرة (بحجم الكارنيه).
- 4- يتم تحديد مكان إستلام شهادة الإعفاء.
- 5- يتم الضغط على تسجيل البيانات والإحتفاظ برقم الطلب المقدم.
- 6- يتم دراسة الطلب المقدم بمعرفة المختصين بإدارة التجنيد والتعبئة ومناطقها التابعة لتحديد أحقية المواطن فى الحصول على الخدمة.
- 7- يتم متابعة موقف دراسة الطلب المقدم من خلال الضغط على الإستعلام عن شهادة الإعفاء بإستخدام البيانات الأساسية (نوع الإعفاء - الرقم الثلاثى - الرقم القومى ).
- 8- يتم الرد بموقف الدراسة بأحد النتائج الأتية:-
1)
لا مانع من إستخراج
شهادة الإعفاء بعد سداد الرسوم المقررة.
2)
لا مانع من إستخراج
شهادة الإعفاء بعد تقديم المستندات المطلوبة.
3)
برجاء التقدم لادارة
التجنيد والتعبئة لمراجعة موقفك وإستخراج شهادة الإعفاء.